tekststørrelseindkøbskurv
AllaffigitigutIkinngutinnut ingerlateqqiguk
 

PAARISA Aasianni imminut toquttarnermik pitsaaliuilluni pikkorissaaniarpoq.

Ulluni 19.-21. august 2012 PAARISApimminut toquttarnermut pitsaaliuilluni immikkoortortaqarfiaAasianni pikkorissaassaaq.

 

Pikkorissarneq inunnik ilinniarsimasunut tunngatitaavoq, tassanilu Peqqinnissaqarfimmi sulisut ilanngunneqassallutik.

 

Pikkorissarnermut qulequtarineqarpoq "Inuuneq inuuffigiuk - imminut toquttarnermik pitsaaliuineq, oqaloqatigiittarneq aallaavigalugu" - oqaatsillu kalaallisut qallunaatullu pikkorissaasoqassaaq.

 

Pikkorissaanerup saniatigut sullissivinnut pulaartoqassaaq, tassani soorlu Qaammaavik alakkarneqassalluni.

Najukkami pinaveersaartitsinermut ataatsimiititaliaq ataatsimeeqatigineqassaaq, kiisalu inuttaasunut ataatsimiisitsisoqassalluni pingasunngorneq ulloq 22. august 2012 nal. 19.00 - 22.00