tekststørrelseindkøbskurv
AllaffigitigutIkinngutinnut ingerlateqqiguk
 

Peqqissuunissaq pitsaaliuinerlu anguniarlugit suliniuteqarnissamut aningaasanik qinnuteqarit

Peqqissuunissaq pitsaaliunissarluunniit anguniarlugu suliniuteqarniarnerit piviusunngortinniarlugu eqqarsaatersuuteqaruit, Inuunerittamut aningaasaliissutinit qinnuteqarsinnaanngorputit.

 

Inuunerittamut aningaasaliissutitigut sumiiffinni pitsaaliuinermut peqqissuunissamullu suliniutit aningaasaliiffigineqartarput. Upernaaq manna Peqqissutsimut Naalakkersuisoq Agathe Fontain peqqissuunissaq pillugu suliniutinut assigiinngitsunut ilaatigut meeqqanut inuusuttunut, nakuusertarnerup unitsinneqarnissaanut, kigutigissuunissamut timillu atornissaanut sammitinneqartunut 22-inut atugassanik 425.000 koruuninik tunniussaqarpoq.

 

Ukioq manna suliniutit meeqqat inuusuttullu tupatortarnerannik qitiutitsisut tupatorunnaartitsiniaanerillu salliunneqassapput.

 

Inuunerittamut tunngatillugu aningaasaliissutinik qinnuteqarsinnaaneq oktobarip aallaqqaataanut 2012 killeqarpoq.

 

Qinnuteqaat Peqqissutsimut Naalakkersuisoqarfimmut nassiunneqassaaq. Qinnuteqarnermi immersugassaq paasissutissallu sukumiinerusut nittartakkami www.paarisa.gl -imi pissarsiarisinnaavatit. Uani atuaruk.

 

Inuunerittamut aningaasaliissutit Kalaallit Nunaanni innutaasut peqqissuunissaat anguniarlugu suliniutip Inuunerittap atuutilerneranut atatillugu pilersinneqarput.


Paasissutissat sukumiinerusut peqqinnissaq pillugu siunnersorti: Kathrine Tronhjem oqarasuaatikkut: +299 34 66 76 imal e-mail-ikkut: katr@nanoq.gl attavigalugu pissarsiarineqarsinnaapput.