tekststørrelseindkøbskurv
AllaffigitigutIkinngutinnut ingerlateqqiguk
 

Nûno pujortarunnaaqatigiuk

Pujortarunnaarnissat takorloortarpiuk? Taava oktobarip 9-aniit sapaatit akunneri sisamat tulliuttut ingerlanerini, marlunngornerit tamaasa nal. 19.00 pujortarunnaanianut pikko-rissaanerit radiokkut malinnaanikkut ikiorneqarsinnaavutit.

 

KNR-radiokkut pikkorissaanerit tallimaasut ingerlanneqarnerini naalaartut pujortarunnaarniarnermut pujortarunnaarnissamullu paasissutissanik pissarsisinnaallutillu tapersersorneqarsinnaassapput.

Pikkorissaanermi ilaatigut tupatornermut tunngatillugu ileqqut, nikotinip nikotinimullu taarsiullugit atorneqartartut sunniutaat tupatorunnaarnerullu kingorna puallarnaveersaarnissaq eqqartorneqassapput.

 

Pujortarunnaarnianut pikkorissaanerup saniatigut radiokkut "Avatangiisit tupatorfiunn-gitsut" taama qulequtsikkamik paasititsiniaasoqassaaq. Radiokkut paasititsiniaanerit KNR radiokkut ataasinngornerni sisamanngornernilu nal. 19.00 oktobarip aallaqqaa-taaniit 29-anut tusarnaarneqarsinnaapput.

 

Radiokkut paasititsiniaanermi tupatornerup tupatorfiunngitsunillu avatangiiseqarnerup qitiutillugit eqqartorneqarnissaat siunertaavoq. Tupatornerup illit peqqissutsinnut ava-tangiisinnullu sunniutai paasititsiniutigineqarputtaaq.

 

Pujortarunnaarnianut pikkorissaaneq taamatullu "avatangiisit tupatorfiunngitsut" qulequtsiullugu paasititsiniaaneq 2010-mi siullermik aallakaatinneqarput. Aallakaatitassiat Isbo Mediap, PAARISA-p KNR-illu suleqatigiinnerisigut pilersinneqarput. Aallakaati-tassiat Naalakkersuisut innuttaasut peqqissuunissaat anguniarlugu suliniutaanni Inuunerittami tupatunnginnissaq pillugu anguniagassatut siunniussanik tunngaveqarput. Aal-lakaatitassiat tamarmik kalaallisuujupput.

 

Pujortarunnaarnianut pikkorissaaneq radiokkullu paasititsiniaaneq www.knr.gl. -imi aamma www.paarisa.gl. -imi tusaaneqarsinnaapputaaq.

 

Radiokkut pujortarunnaarniarluni pikkorissarneq

 

Pujortarfiunngitsumik avatangiiseqarneq

 

 

Paasissutissat sukumiinerusut immikoortortaqarfimmi pisortaq Julie Præst Wilche oqarasuaat: +299 34 66 25 imal. e-mail jprw@nanoq.gl  attavigalugu pissarsiarineqarsinnaapput.