tekststørrelseindkøbskurv
AllaffigitigutIkinngutinnut ingerlateqqiguk
 

Klassi sorleq ukioq manna tupatorfiunngitsutut toqqarneqassava?

Klassissinni tupatortuerunnissaa anguniarlugu pitsaanerpaamik pilersaarusioritsi 30.000 koruuninillu eqquillusi. "2012-imi klassi tupatorfiunngitsumik" taaguuserlugu 5-klassini 7. klassinilu atuartunut ajugaaniutsitsinermut atatillugu Peqqissutsimut Naalakkersuisoqaarfik taamma kajumissaaruteqarpoq.

 

Ullumikkut meeqqat atuarfianni atuartut angajulliit affaat pujortartarput. Meeqqat peqqinnartunik toqqaasarnissaasa peqqinnartumillu inuuneqarnissaasa nukittorsaaviginissaa, 2012-imi klassi tupatorfiunngitsumik taallugu ajugaaniutsitsinermi
siunertaavoq.


Ajugaaniunnermi peqataasunut piumasaqaataasut pingasut tassaapput:

  • Ajugaaniunneq naammassippat klassimi atuartut tupatortartut tamarmik pujortarunnaarsimassapput.
  • Ajugaaniunnerup naammassinissaata tungaanut tupatortuerunnissaa qulakkeerniarlugu klassini akullerni iliuusissat pilersaarusiorneqassapput.
  • Klassimi qanoq iliornikkut tupatortuerunnera qanorlu iliornikkut tamatuma attatsiinnarnissaa naatsumik piviusorsiortumillu pilersaarusiami allaaserineqassaaq. Iliuusissanut pilersaarusiaq Peqqissutsimut Naalakkersuisoqarfimmut kingusinnerpaamik novembarip 30-ani 2012 nassiunneqassaaq.

Klassi tupatornerup akiorneqarnissaanut pitsaanerpaamik pilersaarusiortoq unammisitsinermi ajugaasuussaaq.

Unammisitsineq pillugu paasissutissat Peqqissutsimut Naalakkersuisoqarfimmit nunatsinni atuarfinnut tamanut nassiussuunneqareerput. Unammisitsinermut peqataaniat kingusinnerpaamik septembarip aallaqqaataani 2012 peqataaniarnertik nalunaarutigissavaat. Unammisitsineq pillugu paasissutissat sukumiinerusut nittartakkami www.paarisa.gl imi takuneqarsinnaapput. Uani atuaruk.

 

Paasissutissat sukumiinerusut peqqinnissaq pillugu siunnersorti /sundhedsfaglig konsulent Kathrine Tronhjem oqarasuaatikkut: +299 34 66 76 imal. e-mail-ikkut: katr@nanoq.gl  attavigalugu pissarsiarineqarsinnaapput.