tekststørrelseindkøbskurv
AllaffigitigutIkinngutinnut ingerlateqqiguk
 

Sap. ak. 18 2012

UGE18_logo_tilweb_PAARISA.jpg

2012-imi sapaatip akunnerani 18-imi sammisassaq tassaavoq:

Erngunnata atuisa.
Imigassartortarnermi ileqqut pitsaasut maangaannaq pinngorneq ajorput. Imigassartortarnermi ileqqut suliffinni, atuarfinni, ikinngutivit akornanni, ilaquttanni, sunngiffinni sammisartakkanni timersoqatigiiffinnilu oqaluuserisigik.

Sapaatipakunnera 18-imi kommunit, najukkani pinaveersaartitsinermut ataatsimiititaliat, atuarfiit, peqatigiiffiit, innuttaasut il.il. imigassartortarneq imigassartortarnermilu ileqqut aamma aanngajaarniutit allat qitiutillugit oqallitsitsinernik aallartitsisussanik sammisaqartitsinernillu aaqqissuinissaannik kajumissaarneqarput.

 

Sapaatip akunnerani 18-imi anguniarneqarpoq oqallinnernut aaqqissuussinernullu, innuttaasut oqalliffigisinnaasaannut,  killeqanngitsumillu aserorsaataasumillu imigassamik atuinngikkaluarluni inuunermut imminnullu susassareqatigiinnissamut sinaakkusersuinissat.


Kulturimut tunngasunik misigisaqartitsinerit, nipilersorneq, erinarsorneq timersornerlu ataatsimoornermik inuunerullu isumaqassusaanik, inuunermik nuannarinninnermik peqataanermillu misigisaqartitsisinnaasut ilaatinneqarnissaat kaammattuutigineqarput.


Sap. ak. 18-ip siunertaa:

Sap. ak. 18 tassaavoq

 

imigassartortarneq imigassartortarnermilu ileqqunik samminniffik
imigassartortarneq imigassartortarnermilu ileqqut pillugit oqalliffik

 

Kommunit, suliffeqarfiit innuttaasullu kaammattorneqarput sapaatip akunnerani 18-imi makku oqallisigineqassasut:


1. Imigassamik atornerluineq pillugu oqallilluarnerunissaq qulakkeerniarlugu suliniutit suut kommunini, suliffeqarfinni, innuttaasunilu ataasiakkaani aallartinneqartariaqarpat?


. Qanoq iliorluta qulakkiissavarput innuttaasut, taamalu aamma suliffeqarfinni sulisut,       akisussaassuseqalernissaat iliuuseqartarnissaallu, imigassamik atornerluinerup kingunerisaanik  ajornartorsiutit piviusunngoraangata?
. Qanoq iliorluta uagut suliffeqarfittut innuttaasutullu aalakoorniutigalugu imertarnerup   annikinnerpaanngortinnissaa, avatangiisit peqqinnarnerulernissaat, inuunermi atukkat peqqinnarnerulernissaat peqqinnartumillu inooriaaseqarneq qulakkiissavavut?

 

2. Imigassamut tunngatillugu pinaveersaartitsinermi peqqinnerulersitsiniarnermilu siunissami iliuusissat qanoq ittuunissaat kissaatigaavut?

 

3. Meeqqat inuusuttullu akornanni, ilaqutariinni, sullivinni, peqatigiiffinni aamma nunaqqatigiinni imigassamik ajunngitsumik isiginneriaaseq qanoq iliornikkut ineriartortissinnaavarput?

 

Sap. ak. 18-imuo qinnuteqarfissaq  WORD - PDF

 

Qinnuteqarnermi immersugassaq uunga nassiunneqassaaq:

 

Sapaatip akunnera 18

Peqqissutsimut Naalakkersuisoqarfik

Att. Kontorfuldmægtigi Jan Berthelsen

Postbox 1160

3900 Nuuk