tekststørrelseindkøbskurv
AllaffigitigutIkinngutinnut ingerlateqqiguk
 

Paarisa

PAARISA 17. april 1997-imi Naalakkersuisut aalajangernerat naapertorlugu pilersinneqarpoq.

 

PAARISA-p pinaveersaartitsinermi peqqinnissamillu siuarsaanermi suliniutit paasissutissiisarnermigut siunnersuisarnermigullu isumagisarai, kiisalu qitiusumik pisortaqarfiillu akornanni peqqinnissamik siuarsaanermi sulianik ataqatigiissaarisuulluni. Pingaarnertut anguniagaavoq Naalakkersuisut Innuttaasut peqqissuunissaannik pilersaarutaata Inuunerittap piviusunngortinneqarnissaa.

 

PAARISA-p sulinermini siunnerfigisai tassaapput meeqqat, inuusuttut ilaqutariillu. Meeqqat inuusuttullu pisinnaatitaaffii, toqqissisimanerat inoorusussuseqarnerallu peqqinnissaq pillugu perorsaanikkut suliniuteqarneq aqqutigalugu suliani salliutinneqarput. Ilaqutariit peqqissutsimik ilisimaarinninnerat nukittorsarneqassaaq, ilaqutariinni inuit ataasiakkaat namminneq paasisimaarinninnertik, tunniusimanertik, takorluuinertik periarsinnaanertillu aallaavigalugit peqqissumik toqqaasinnaalersinniarlugit.

 

Peqqissuuneq pillugu quppersakkat INUK aamma SILA, ulluinnarni toqqissisimanissamik inooriaatsimillu sammisaqarfiusut aqqutigalugit meeqqat, inuusuttut ilaqutariillu peqqissumik inuunissamut siuarsaataasunik toqqaasinnaalernissaat nukittorsarneqassaaq.

 

PAARISA Naalakkersuisut pinaveersaartitsinermut tunngatillugu anguniagaat aallaavigalugit suliniuteqarfissanut iliuusissanik ilusilersuisarpoq. Tamatuma malitsigisaanik PAARISA-mi siunnersortit najukkani pinaveersaartitsinermi siunnersortinut, inunnut immikkut nukissalinnut, attaveqaqatigiinnut, peqqissaavinnut napparsimavinnullu siunnersortaapput, ingerlaatsinut suliniutinullu isumassarsiniartartutut aallarnisaasartutullu.

 

PAARISA-p nuna tamakkerlugu Meeqqat Inuusuttullu oqarasuaataata 134-p ingerlanneqarnera isumagisaraa.

 

Ottawa Charter (Word)

 

Ottawa Charter (PDF)