tekststørrelseindkøbskurv
AllaffigitigutIkinngutinnut ingerlateqqiguk
 
2010-mi - 2011-imi Kommuninik suleqateqarneq

Kommuninik suleqateqarneq

 

PAARISA peqqinnissamut perorsaanikkut siunnersortimik kommunit suliniutigisaminnut, iliuusissatut pilersaarutinut aamma susassaqarfiit akimorlugit peqqinnikkut siuarsarnissap aamma pitsaaliuinerup iluani politikkikkut atorsinnaasaannik piareersimasoqarpoq.

 

PAARISA isumaqateqarnikkut kommunimut illoqarfigisaanullu tikeraarsinnaavoq, taavalu susassaqarfiit akimorlugit ilaatigut pitsaaliuinermut ataatsimiititaliamik ataatsimiititsisoqarluni. Innuttaasut peqqissuunissaannik suliniut Inuuneritta, Inuunerittamit aningaasaliissutit, suleqatigiinnissamut isumaqatigiissutit aamma Inuunerissarfiit pillugit PAARISA ilisimatitsisarpoq. Aammattaaq innuttaasunik, peqatigiiffinnik, gruppinik, suliffeqarfinnik allanilluunniit ataatsimiititsisoqarsinnaavoq.

 

PAARISA:

  • pitsaaliuinermik siunnersortinut PAARISA-mullu suliatigut qarasaasiakkut oqallittarfissamik malinnaatitassaminik quppersagaliussaaq,
  • aggersarneqarnerup kingorna, pitsaaliuinermik siunnersortinut kommunini isumasiueqatigiisitsinernut /ataatsimiititsinernut peqataasinnaavoq.
  • suliniutitut ingerlanneqartunut pitsaaliuinermillu ataatsimiititaliamut suliatigut peqqinnissamullu perorsaanikkut siunnersuinikkut ikiuunnissamik neqerooruteqarpoq.
  • Kommunini sisamaasuni pitsaaliuinermik siunnersortinut aqutsisut NunaMed-imut kiisalu septembarimi ukiumoortumik ataatsimiinnissamut qaaqqullugit.
  • Illoqarfinni ataasiakkaani pitsaaliuinermik siunnersortinut sinniisoq ataaseq 2010-mi ukiumoortumik ataatsimiinnissamut qaaqqullugu

 

Kommuni:

 

Najukkani pinaveersaartitsinermut ataatsimiititaliat pillugit Namminersornerullutik Oqartussat nalunaarutaat nr. 18, 18. maj 2001-imeersoq naapertorlugu:

  • peqqinnikkut siuarsarnissamut pitsaaliuinikkullu suliniutissanut iliuusissanut aamma siumut isigisunik pilersaarusiussaaq,
  • qularnaallisassavaa Najukkami Pinaveersaartitsinermut ataatsimiititaliap ukiumoortumik Iliuusissatut pilersaarusiamik Paarisamut nassitsisarnissaa.