tekststørrelseindkøbskurv
AllaffigitigutIkinngutinnut ingerlateqqiguk
 
Atuarfinni fritidshjemminilu nerisaqarneq nerisarnerlu pillugit politikki

Atuarfinni fritidshjemminilu nerisaqarneq nerisarnerlu pillugit politikki

Nerisassat nerisitsisarnerlu pillugit politikki-mi atortussiat nutaat

 

Sooq atuarfinni fritidshjemminilu nerisassat nerisitsisarnerlu pillugit politikkip isumassarsiatsialaaneranik siunnersuutit pitsaasut pillugit atortussiat pissanganartut PAARISAp saqqummersippai. Atortussiat kalaallisut qallunaatullu saqqummersinneqartut qanoq piviusumik aallartinniarneqarsinnaaneranut siunnersuutinik pitsaasunik aamma imaqarput.

 

Ringbindimi qorsummik kajuminnarluartumik qalipaatilimmi atortussiat isumassarsiorfiusartussat katersorneqarput, taamaalillutik sullissisut meeqqat aamma inuusuttut nerisassaat pillugit ilisimasanik immikkut ittunik amigaateqartut nerisassat nerisitsinerillu pillugit politikkeqarnerup ineriartortinneqarnissaanik aallartitsinissaminnut pitsaasunik sakkussaqalersillugit.

 

PAARISAp aamma Nerisaqarnermut Siunnersuisoqatigiit atortussiat Fødevarestyrelsimi sananeqarsimasut aallaavigalugit tulluarsarsimavaat. Isumassarsiorfimmi meeqqat peqqinnartunik nerisarnissaminnik pisariaqartitaannut nerisaqarnermut innersuussutit qulit ataqatigiissutaapput. Ilutigitillugu atortussiat najukkami atugassarititaasut isumalluutit eqqarsaatigalugit suliaapput, ilaatigullu aamma nerisassiornissamut ilitsersuutit kalaallit nerisassaataasa atorneqarnissaannik siunnersuutinik imaqarpoq. Ullup qeqqasiornerup saniatigut aamma ullaakkorsiutinut aammalu akornatigut nerisassanut siunnersuutit nutaatut suliarineqarput, tassa atuarfiit fritidshjemmillu tamarmik taamatut nerisassiornissaminnut periarfissaqarmata.

 

1 Isumassarsiorfik kakkersakkanik pingasunik imaqarpoq, ilaatigut taakkunani kakkersagaq "Atuarfinni fritidshjemminilu nerisassat nerisitsisarnerlu pillugit politikki, sooq qanorlu", tassani nerisassat nerisitsisarnerlu pillugit politikkip suliarineqarnerata aallartinnissaanut aammalu suliaqartuusut attuumassuteqartut qanoq ilanngutitinneqarsinnaanerinut isumassarsiassat sakkussallu nassaassaapput. Politikkip pitsaasumik sunniuteqarnissaata qanorlu ingerlanneqaannarnissaata eqqanaarneqarsinnaanerat qitiutinneqarput. Minnerunngitsumillu iluatsinneqartut mikisut angisuullu atuarfiup aamma fritidshjemmip avataanut oqaluttuanngorlutik ingerlatinneqarnissaat qitiutinneqarpoq, taakku tassaassammata allat aallartinnissaannut pilerisaarisut.
2 "Nerinerit peqqinnartut - aqutsisut akisussaaffiat" kakkersagaavoq immikkoortoq aalajangiisartunit atugassiaasoq, tassani meeqqanut nerisassat peqqinnartut qitiutinneqarnissaasa pingaaruteqarnerat aammalu nerisassat nerinerillu perorsaanermik suliaqarnermi ilaatinneqarsinnaanerat naatsumik takutinniarneqarput.
3 Kakkersagaq "Nerisassat peqqinnartut - mamartut, qungujulasumik aamma ataatsimoorluni" nerisassanik suliaqartartunut naatsorsuussaavoq, tassani meeqqat qanoq inersimasunit ooqattaarerusulersinneqarnissaannut, aamma nerisassat peqqinnartut nerinissaannut kajumilersinnissaannut isumassarsiassarpassuaqarpoq. Sassaalliutigineqarnerat kusanasaagaassaaq, tassa nerisassat maluginiutinut tamanut oqariartuuteqartuussammata.
4 "Isumaqatigiissutit peqqinnartut" kakkersagaavoq oqaloqatigiilersitsisussaq, tassani isumaqatigiissuteqarnissamut allagartarsuaq ilaavoq aammalu taakkununnga atatillugu tamulugassat peqqinnartut sananissaannut ilitsersuutitaqarluni. Tassani meeqqat kammalaatitik, ilaquttatik, atuarfik imaluunniit fritidshjemmi peqqinnarnerusumik ileqqoqalernissaminnut isumaqatigiissuteqarfigisinnaavaat. Kakkersagaq atuarfinnut aamma fritidshjemminut tamanut agguaanneqarpoq.

 

Atortussiat aallaavigalugit kommunini atuarfinnut fritidshjemminullu tamanut ulluni 5-ini pikkorissartitsinissamut PAARISA neqeroorpoq. 2009-mi 2010-milu Nuummi, Tasiilami Narsamilu pikkorissartitsisoqarpoq. 2011-mi novemberimi pikkorissartitsineq kingulleq Qeqqata Qaasuitsullu kommuniinut neqeroorutigineqarpoq.

 

Atortussiat ingerlaannartumik atuarfinnit, fritidshjemminit atuarfeqarfimmilu suliffeqarfinni allani meeqqanik inuusuttunillu sullissisunit atorneqarsinnaalluarput. PAARISAlli pikkorissartitsineri atortussiat atorneqarneranni najukkami isumalluutinut atugassarititaasunullu tunngatillugu immikkut ittumik pitsaassusilimmik atornissaannut periarfissiipput. Pikkorissartut tamarmik atortussianik tunineqassapput. Atortussiat aamma PAARISAmi piniarneqarsinnaapput.

Nerisat nerisaqartitsinerlu pillugit politikki - Atortut

Nerisat peqqinnartut

 

Nerisaqarnermut innersuussutit qulit

 

Ilitsersuutit

 

Nerisassat nerisitsisarnerlu pillugit politikki - kakkersakkat

 

Nerisassat peqqinnartut - kakkersakkat

 

Nerinerit peqqinnartut - kakkersakkat

 

Snacks-it

 

Isumaqatigiissutit pitsaasut

 

 

_______________________________________________________________

Ilitsersuutinut immikkoortitikkanut aqqut pisariitsoq

_______________________________________________________________

 

 

Tusagassiutinut nalunaarutit

 

Atuarfinni fritidshjemminilu nerisaqarneq nerisarnerlu pillugit politikki