tekststørrelseindkøbskurv
AllaffigitigutIkinngutinnut ingerlateqqiguk
 

Nerisaqarnermut innersuusutit qulit

Nerisaqarnermut innersuussutit qulit

Nerisaqarnermut Siunnersuisoqatigiit

 

1. Allanngorartumik nerisarit 
Innersuussut siulleq pingaarnerpaarlu.

 

2. Kalaallit nerisassaataannik nerisarit; akulikitsumik aalisakkanik aalisakkanillu qallersuusianik 
Ukiup ingerlaarnera malittariuk aamma immami nunamilu uumasut paarlakaajaattakkit.
Nunatta paarnai naatitaalu atortakkit.
Ullup-qeqqasiornermi aamma aalisakkanik qallersuusiat atortakkit.

 

3. Paarnanik naatitanillu ullut tamaasa nerisarit 
Suliartuleraangavit imaluunniit atuariartuleraangavit paarnamik naatitamilluunniit nassartarit.
Kissartumik nerinermi tamatigut naatitanik akoqartinnissaat ileqqunngortiguk.
Paarnat naatitallu qerisut nutaatulli pitsaatigipput.

 

4. Iffiukkanik seqummarluttunik sanaanik, issingigassanillu ullut tamaasa nerisarit. Naatsiiat, qaqorteqqasut pastallu akulikitsumik pisakkit.
Iffiat iffiukkanit qaqortunik qaarsillarnarnerupput. Knækbrødit seqummarluttunit sanaat aamma pitsaasuupput.
Qaqorteqqasut, pastat naatsiiallu kissartunik nerinermi paarlakaajaattakkit.

 

5. Eqqarsarluarlutit orsutortarit 
Orsoq sipaaruk:
Iffiukkap taninnerani tarngut kiliortaruk.
Immuk, immussuaq, neqit qallersuutissallu annikitsumik orsullit toqqartakkit.
Iganermi naasunit margarina imaluunniit naasunit olia atortakkit.

 

6. Sukkunik, mamakujuttunik, chipsinik kaaginillu annikinnerusumik nerisarit 
Sukkoqanngitsumik imaluunniit annikinnerusumik sukkulimmik kaffisortarit tiitortarillu.
Paarnat iffiukkallu mamakujuttunit, chipsinit kaaginillu qaarsillarnarnerupput. Sapaatip akunneranut ulloq ataasiinnaq chipsitortarit mamakujuttutortarillu.

 

7. Imermik imertarit - annikinnerusumik saftimik sodavandinillu imertarit 
Imeq kuummeersoq imerlu nillarissoq imertaruk. 
Saftit sodavandillu annertuumik sukkumik akoqarput taamaattumillu piffinni aalajangersimasuni akuttusuunik atornissaat innersuussutigineqarput. 

 

8. Akulikitsumik nerisarit, ingasaannaguli 
Ullormut pingasoriarlutit nerisarfinni pingaarnerni nerisarit.
Ullaakkorsiorneq ullormut aallarniutigalugu pitsaasuuvoq.
Aamma ullup ingerlanerani annikitsukkaarlugit nerisarit, paarnaq imaluunniit naatitaq, knækbrød imaluunniit aalisakkat panertut.

 

9. Ullormut minnerpaamik nal. ak. ataaseq aalasarit 
Aalaneq tassaasinnaavoq pisulluni/sikkilerluni suliartorneq, piniariarneq, eqqiaaneq, timersorneq, arsarujoorneq allarpassuillu.

 

10. Suut nerinerlugit eqqarsaatigisaruk 
Nerinermut ileqqorisatit niuernermi aallartittarput. Peqqinnartunik pisisarit. 
Meeqqatit peqatigalugit igasarit.
Unnukkut nerineq ilaqutariinni katersuuffinngortiguk.

 

Suut nerisaraavut? 
Agguaqatigiisillugit: 75 %-it kalorialinnit nerisaqarneq nioqqutissanit eqqussukkanit pisarput, kalaallit nerisassaataannit 25 %-it!

Kalaallit Nunaanni Nerisaqarnermut Siunnersuisoqatigiit 2005

 

Paarisa-mi quppernerit allat:

Kalaallit Nunaanni Nerisaqarnermut Siunnersuisoqatigiit

Massakkut saqqummersitat:

Sukkorneq pillugu quppersagaq