tekststørrelseindkøbskurv
AllaffigitigutIkinngutinnut ingerlateqqiguk
 

Imminortoqarsimatillugu - qimagaasimasunut atuagaq

Atuagaq "Sorgen ved selvmord" maanna kalaallisut saqqummersinneqarpoq. Atuagaq inunnit sulerusussuseqarluartunit siorna kalaallisuunngortinnissaanut isummersimasunit piviusunngortinneqarsinnaalersimavoq.

Atuakkami atuakkiortup Inger Annebergip inuit akuttusuumik aatsaat tusarniarneqartartut, tassa qimagaasut, oqaluttuartippai. Inuit sulerusussuseqarluartut, aappariit Agnethe aamma Sten Egede Hegelund, atuagaq atuaramikku oqariartuutai paasiuminartut aammalu pingaaruteqartuusut takusinnaagamikkik siorna kalaallisuunngortinniarlugu aalajangiussimavaat. 

Atuagaq kalaallisut "Imminortoqarsimatillugu - qimagaasimasunut atuagaq" taaguuserneqartoq, atuakkiortup, kalaallisuunngortitsisut, Atuakkiorfiup aamma Paarisap suleqatigiinnerisigut maanna saqqummersinneqarpoq. 

Atuagaq pingaaruteqartuullunilu pisariaqartuusoq maanna kalaallisut pissarsiarineqarsinnaalerpoq. Ajoraluartumik imminut toquttoqarsimatillugu aliasunneq nunami maani inuit amerlasuut nammattariaqartarpaat. Aliasunneq misigissutsillu sakkortuut inunnit ataasiakkaanit aqukkuminaassinnaapput. Aammalumi misigissutsit taamaattut inunnut allanut oqaluttuarinissaat ajornakusoortorujussuusinnaavoq, soorlu aamma avatangiisit tapersersuinermik paasinninnermillu eqqortumik tunniussisinnaanerat ajornakusoorsinnaasoq.