tekststørrelseindkøbskurv
AllaffigitigutIkinngutinnut ingerlateqqiguk
 

Herpes

Malunniutai

Tunillatsinnermiit sapaatip akunnerata ataatsip qaangiunnerani malunniuttarpoq kinguaassiuutit aappillernerisigut, ungilallutik, annernarlutik qasilillutillu. Kingusinnerusukkut tinupasuaqqat qaamasumik imallit saqqummertarput immaqalu nuallummut assingusumik kissarneqartoqarsinnaalluni. Tinupassut qaarlutik ikinngortarput kingornalu parngullutik.

 

Sapaatit akunnerisa 2-3 qaangiunneranni malunnartueruttarpoq. Herpes virus timimi sianiutit aqqutaanni toqqoqqalersarpoq. Ataaisaannarluni arlaleriarluniluunniit herpesertoqarsinnaavoq. Herpesseqqinnermi malunniutit siullermernit annikinnerusarput qaangiutiaatarlutillu. Amerlaqaat tunillatsissimasut, ikittuinnaalli anillatsitsisarput.

 

Tunillaattarnera

Herpes Simplex Virus nappaammut pissutaasarpoq, atoqatigiinnikkullu tunillaakkajulluni. Virusi tinupasuniittarpoq. Nuannermut atatillugu sigguit killinganni herpeseraanni kinguaassiuutinillu aluttuilluni, herpes siggunniittoq kinguaassiutinut tunillaassinnaavoq. Herpesvirusqaraanni anillanneqanngikkaluarluni tunillaasoqarsinnaavoq.

 

Misissortinneq

Tinupasut imertaannik peersinikkut virusi paasineqarsinnaavoq. Herpesili ilisarnartaqimmat misissuinissaq ilaannikkut pisariaqarnerluunniit ajorpoq.

 

Katsorsarneqarnera

Nakorsaq oqaloqatigiuk Herpes qanoq katsorsartariaqarnersoq. Amerlanertigulli annikitsuinnarmik atugaasarmat katsorsarnissaa pisariaqarneq ajorpoq.

 

Katsorsartinngikkaanni

Naartullutit herpeseqaruit, tamaanna pillugu nakorsaq oqaloqatigissavat. Erninermi virusi meeqqamut tunillaasinnaavoq. Taamaattumik naartusut herpesertut ilaat pilatsillutik erninissaannik inanneqartarput.