tekststørrelseindkøbskurv
AllaffigitigutIkinngutinnut ingerlateqqiguk
 

Syfilis

Ilisarnaatai

Tunillatsinnermiit sapaatit akunneri 2-4 qaangiukkaangata iki ammartertoq saqqummertarpoq. Taanna amerlanerni kinguaassiuutiniittarpoq. Aammali siggunniissinnaavoq itilluunniit killingani. Qinersit ikip naaffiata eqqaaniittut aamma suanngarsinnaapput. Iki annernartuunngilaq, apaatillu akunneri arlalialuit qaangiukkaangata peeruttarluni. Nappaalli katsorsarneqanngikkuni inummiiginnassaaq.

 

Tunillatsinnermiit qaammatit marlussuit qaangiukkaangata timimi, tallini nissuniluunniit aappilasunik toorneeqqatut ittunik anillattoortoqarsinnaavoq.

 

Tunillattarnera

Bakteriamit Treponema pallidumimit pisuuvoq, syfilisip pilersitaani ikimittarluni. Taamaattumik ikeqarnerup nalaani tunillaakkajuttarpoq. Aak aqqutigalugu aamma tunillaasinnaavoq, soorlu naartusup naartuni tunillassinnaagaa. Naartusulli tamarmik syfilisimut misissortittarmata inunnguuseralugu syfiliserneq nungutitaajusavissimasutut oqaatigineqarsinnaavoq.

 

Misissortinneq

Syfilisip bakteriai mikroskopimi allisillugit takuneqarsinnaapput. Syfilisimik nappaateqarneq aap misissorneratigut erseqqissumik uppernarsineqartarpoq.

 

Katsorsartinneq

Penicillinamik kapitinnikkut syfilis katsorsarneqartarpoq. Katsorsartinnerup kingorna ajorunnaarsimanersoq paasiniarlugu aava arlaleriarlugu misissoqqinneqartarpoq.

 

Katsorsartinngikkaanni

Syfilik katsorsarneqanngitsoq ukiut arlallit qaangiunneranni imaannaanngitsunik ajoqusiinermigut saqqummertarpoq, amermi, saanerni, qaratsami taqqanilu.