tekststørrelseindkøbskurv
AllaffigitigutIkinngutinnut ingerlateqqiguk
 

Unnguusat

Malunniutai

Unnguusat (kondylomer) ataasiakkaarlutik eqimattaallutilluunniit naasarput.

Tunillatsinnermiit sapaatit akunneri arlalissuit qaammatilluunniimmi arlallit qaangiunneranni aatsaat saqqummersinnaapput. Unnguusat arnat utsuini killinganniluunniit ersittumi amerlanertigut naasarput, qaqutigoortumik utsuit iluanni illissap paavanilu naasarlutik. Angutini usummiikkajupput, nuuata ameraasaaniillutik quulluunniit aqqutaani. Aammattaaq itip killingani iluatungaaniluunniit arnani angutinilu naasinnaapput. Amerlanertigut unnguusat atugaasarput malunnanngitsumik.

 

Tunillaattarneri

Unnguusat inuusuttuni takussaanerupput, virusimit Humant Papillomimit pisuullutik. Unnguusat virusiat atoqatigiinnikkut tunillaattarpoq. Taamatut tunillatsittartut amerliartorput.

 

Misissortinneq

Unnguusat takujuminaassinnaapput, nakorsamilli venereamilu sulisunit sungiussilluarsimasunit misissortinnikkut paasineqarsinnaapput.

 

Katsorsarneqarnerat

Sapaatip akunneranut ataasiarluni tangummik Podofyllinimik taninneqartarput, taamatullu katsorsarneqarneq sapaatit akunnerini arlalinni ingerlanneqartarluni, katsorsarniarnerallu sivisusinnaasarluni. Naartusut taninneqarneq ajorput. Tarngut taanna seerititsisinnaammat tanitsereernerup kingorna nal. Akunneri arlaliaunnguit qaangiunneranni tanitat imermik asanneqassapput. Unnguusat aamma qeritillugit, qiortarlugit kiliorlugilluunniit piiarneqarsinnaapput.

 

Katsorsartinngikkaanni

Kondylomip virusia illissap paavatigut kræfteqarlersinnaanermut pisooqataasinnaasorineqarpoq. Taamaattumik arnaq unnguusaqaruni aappaqaruniluunniit unnguusaqartumik, illissami paavaniit kræftimut misissugassamik tigusiffigineqarnissaanik innersuunneqartarpoq.