tekststørrelseindkøbskurv
AllaffigitigutIkinngutinnut ingerlateqqiguk
 

Nûno tutillugu

Nûno tutillugu-p nittartagaanut tikilluarit!

Nittartakkami matumani Nûno tutillugu takoqqinneqarsinnaallunilu tusarnaaqqinneqarsinnaavoq.

PAARISA'p 2009-mi Isbo Media aamma Deluxus Studio suleqatigalugit FN'p nunarsuatsinni AIDS-imut ullorititaa - 1. december malunnartinniarlugu TV-kkut aallakaatitassiat quliusut aamma radiokkut aallakaatisassiat tallimaasut sanaartorpai.

FN-p AIDS'p ulluanut siunertarisaa tassaavoq nunarsuarmi tamarmi HIV-p aamma AIDS-ip akiorneqarnissaa pinaveersaartinneqarnissaalu.

Suliniummi Nûno tutillugu-mi siunertarineqartoq tassaavoq pitsaasumik atoqatigiittarnerup sammineqarnissaa aamma atoqatigiittarnerup peqqinnartuunissaanik oqallinnermik pilersitsinissaq, taassuma ataani atoqatigiinneq aamma atoqatigiinneq isumannaatsoq immikkut pingaarnerutillugu sammineqarlutik.

PAARISA 2010-mi apriilimi HS Analyse misisissuilermat Nûno tutillugu pillugu apeqqutinik ilanngussinermigut peqataavoq. Misissuinerup takutippaa angutit 63 %-iisa aamma arnat 71 %-iisa aallakaatitassiarineqartut arlallit isiginnaarsimagaat. Isiginnaartartut aallakaatitassianut naliliinerat qaffasippoq, tassami angutit 67 %-iisa arnallu 71 %-iisa aallakaatitassiat pitsaalluartuusutut nalilermatigit. Misissuinerup aamma takutippaattaaq, aallakaatitassiat atoqatigiittarneq pillugu oqallitsitsilluarsimasutut. Aallakaatitassiat imarisaat aallakaatinneqareernerata kingorna illoqarfimmiuunerusunit nalunaarutigineqarpoq oqaloqatiginnissutigineqarsimasutut imaluunniit allaaserinnissutigisimasutut.

Atoqatigiinneq sunaana? Atoqatigiinneq pillugu suut ilisimavigit? Nûno Isbosethsenip siniffissuarmi maavaartumi atoqatigiinneq pillugu pulaartini arlallit apersorpai.

Aallakaatitassiat inuusuttunut inersimasunullu naatsorsuussaapput. KNR suleqatigalugu aallakaatitassiat siullermeerlutik 2009-p aamma 2010-p ukiuunerani aallakaatinneqarput.

TV-kkut aallakaatitassiat uani aasinnaavatit:

  1. HIV AIDS-ilu - Nunarsuatsinni ajornartorsiutit (87,6 MB)
  2. Atoqatigiinneq kisermaallu (68,6 MB)
  3. Aappariinneq atoqatigiinnerlu (74,1 MB)
  4. Arnanuinnaq (77,5 MB)
  5. Angutinuinnaq (72,9 MB)
  6. Naartuersittarneq (50,5 MB)
  7. Atoqatigiinneq, angajoqqaat inuusuttullu (55,6 MB)
  8. Suiaaqatiminnik atoqateqartartut (81 MB)
  9. Kinguaassiuutitigut nappaatit - atugaalluarput (68 MB)
  10. Naartuneq - ilaqutariinngornerlu (59,8 MB)

Radiokkut aallakaatitassiat uani aasinnaavatit:

  1. HIV aamm AIDS - Nunarsuatsinni ajornartorsiut (10,3 MB)
  2. Aappariinneq atoqatigiinnerlu (9 MB)
  3. Naartuersittarneq (10,3 MB)
  4. Suiaaqatiminnik atoqateqartartut (10,2 MB)
  5. Naartuneq - ilaqutariinngornerlu (10,3 MB)

-----------

Nûno tulillugu pillugu oqaaseriumasatit uani allaaserikkit.