tekststørrelseindkøbskurv
AllaffigitigutIkinngutinnut ingerlateqqiguk
 

Kinguaassiorsinnaajunnaarsagaaneq

Isumannaassusia

Kinguaassiorsinnaajunnaarsartissimagaanni naartulinnginnissaq 95 - 99,9%-iuvoq.

 

Kinguaassiorsinnaajunnaarsagaaneq naartunaveersaataavoq ilisimasatsinnik qularnaannerpaaq. Amerlanerusunik meerartaarnissat kissaatiginngilluinnarukku aatsaat kinguaassiorsinnaajunnaarsagaanissaq qinissavat. Taamaattumik silatusaarneruvoq naartunaveersaatit allat atorsinnaaneritit misissoqqaassallugu. Kinguaassiorsinnaajunnaarsagaaneq arnanut angutinullu aalajangerneruvoq annertooq, taamaammallu meerartaaqqissanerlutit minnerpaamilluunniit nalorniguit kinguaassiorsinnaajunnaarsagaaneq qinissanngilat.

Kinguaassiuutitigut nappaatit

Kinguaassiorsinnaajunnaarsagaaneq nappaatinut atoqatigiinnermi tuniluuttartunut illersuutaanngilaq. Tunillatsikkusunngikkaanni usuup puua atortariaqarpoq.

Kikkut periuseq atorsinnaavaat?

Kinaluunniit 25-nik ukioqalereersimasoq kinguaassiorsinnaajunnaarsagaanissaminut piginnaatitaavoq. Pissutsilli immikkorluinnaq ittuutillugit 25-nik ukioqalersimanngitsut aamma kinguaassiorsinnaajunnaarsagaasinnaapput.

Nakorsap akuliuffigisassai

Kinguaassiorsinnaajunnaarsagaarusukkuit taava nakorsamut saaffiginnissaatit. Nakorsap pilatsinnermi susoqartarneranik siunissamilu sunniutigiumaagaanik nassuiaatissavaatit. Oqaloqatigeereerussi paasissutissat tamakku pisimagitit uppernarsarlugu illit nakorsarlu atsiussaasi.