tekststørrelseindkøbskurv
AllaffigitigutIkinngutinnut ingerlateqqiguk
 

Angutinik naartusitsisinnaajunnaarsitsineq

Isumannaassusia

Angut naartusitsisinnaajunnaarsagaasimaguni arnamik naartusitsisinnaannginnera 95 - 98 %-imik qulakkeerneqassaaq.

 

Angutinik naartusitsisinnaajunnaarsitsinermi suliaritinneq annikitsuararsuuvoq. Suliaritinneq napparsi­mavimmi angutip issuata amiraasaatigut pilattarniagaq qeritillugu ingerlanneqartarpoq. Suliaritin­nermi angutip anisuuata aqqutaata ilamernga peerneqartarpoq, anisuup uumasuarai usummit anillassinnaajunnaarsillugit.   

Naartusitsisinnaajunnaarsagaanerup kingorna

Angutit naartusitsisinnaajunnaarsarneqarlutik pilatsinnermik kingorna qaammatit pingasut missaanni naartunaveersaat alla atussavaat, soorlu usuup puua. Tamanna isumannaallisaaneru­voq pilatsereernerup kingorna qaammatini pingasuni anisooq suli uumasuaqqanik imaqarsinnaam­mat.

 

Illersuummik atuinersi taamaatilersinnagu silatusaarneruvoq nakorsaq qinnuigissallugu anisooq uumasuaqqanik suli akoqarnersoq misissoqqullugu.

 

Soorunami naartusitsisinnaajunnaaraluaruilluunniit siornatigutulli suli anisoortassaatit, kisiannili anisuup uumasuaraanik akoqanngitsumik.

Angutinik naartusitsisinnaajunnaarnerup akornutai

  • Nartusitsisinnajunnaarsagaanerup kingorna qaammatini pingasuni naartulersoortitsi­nissamut illersuuteqartariaqarputit.
  • Inuunerup sinnera naartusitsisinnaanissannut periarfissaarupputit.

Angutinik naartusitsisinnaajunnaarnerup pitsaaqutai

  • Suliaritinnerup kingorna atoqatigiinnissamut piumassuseq taamaaginnassaaq.
  • Naartusitsisinnaajunnaarsaagaaneq hormoninik assigisaannillu timi sunnerneq ajorpaa.