tekststørrelseindkøbskurv
AllaffigitigutIkinngutinnut ingerlateqqiguk
 

Peqqissiminermi iisartagaq

Peqqissiminermi iisartakkat atorukkit naartulinnginnissat 97%-imik qulakkeerneqassaaq.

 

Atoqatigiinnerup nalaani usuup puua alittoorsimappat imaluunniit allatut illersuuteqarnermut atatillugu nalornilissagaanni naartulinnginnissamut qulakkeerutinik iisartakkanik pisoqarsinnaavoq. Taamatut pisoqartillugu iisartagartortoqarsinnaavoq nakorsat peqqissiminermi iisartakkamik taagugaannik.

Naartulinnginnissamut qulakkeerut kisiat naartunaveersaatitut toqqarneqassanngilaq, periarfissat kingullersarisariaqarpaat.

 

Sunniuttarnera qulakkiivillugu ilisimaneqanngilaq, isumaqartoqarporli peqqissiminermi iisartakkat mannissap illissamut ikkunnissaagalua pinaveersaartittaraat. Taamaallaat allatut ajornavitsillugu atortariaqarpoq p-pillit atornerannut naleqqiullugu naartulinnginnissap qulakkeernissaa annikinneralaarsuummat.

 

Peqqissiminermi iisartakkat hormonitaqarput naartunaveersaataasunik. Illersuuteqarani atoqateqarnerup kingorna atorneqartarpoq naartulernissaq pinaveersaartinniarlugu. Peqqissimi-nermi iisartagaq illersuuteqarani atoqateqarnerup kingorna piaarnerpaamik, kingusinnerpaamillu nalunaaquttap akunneri 72-it qaangiutsinnagit iineqassaaq, aammalu iisartakkamik ataatsimik iisisoqaqqissaaq siullermik iisinerup kingorna nalunaaquttap akunneri 12-24-t qaangiunneranni. Iisigaluarneq iluaqutaasimanngippat naartuleraannilu naartuinnarnissamut akornutaanngilaq.

 

Akornutai

Merianngusoqarlunilu meriartoqarsinnaavoq. Iisartakkamik iisereernerup kingorna nalunaaquttap akunneri pingasut qaangiutinngitsut suli meriaraanni qularnarpoq sunniussimanissaa. Aammattaaq iviangitigut sukangatitsineq, aaqallattaarneq, aaqartarnerit akuttoqatigiikkunnaarnerat, ilukkut anniarneq, niaqunnguneq, qasoqqaneq uissanngunerlu misigineqarsinnaapput.

 

Nalinginnaanngitsumik aaqarnerup kingornatigut aaqarnissaagaluaq ullut 5 sinnerlugit qaangiuttoorpat, naartulersimanermut misissortittoqartariaqarpoq. Sullerluttumik tingoqaraanni iisartakkat mianersorluni atorneqassapput.

 

Eqqaamajuk:

P-pillit nalinginnaasut ajornartoornermi illersuutitut atussanngilatit. Taamaattumik napparsimmavimmut/peqqissaavimmut saaffiginnittariaqarputit peqqissiminermi iisartakkanik piniarlutit. Illersuuteqarsimanngikkaanni imaluunniit usuup puuanik ajutoorsimagaanni nalunaaquttap akunneri 72-it qaangiutsinnagit peqqissiminermi iisartakkamik iisisoqartariaqarpoq.

 

Nakorsap akuliuffigisassai

  • Pitsaassaaq peqqissiminermi iisartagartorsimanermiit sapaatip akunneri 3-4 qaangiunneranni nakorsamit misissortikkaanni.
  • Ullut aaqarfigisatit nalunaarsussallugit eqqaamagiuk, nakorsap tamanna apeqqutigissammagu.
  • Periarfissaq iluatsillugu nakorsaq oqaloqatigiuk qularnaatsumik siunissami naartunaveersaateqarnissat pillugu.