tekststørrelseindkøbskurv
AllaffigitigutIkinngutinnut ingerlateqqiguk
 

Usuup puua

Isumannaassusia

Usuup puua eqqortumik atorukku/ssiuk, arnap naartulinnginnissaa 97% tikillugu qulakkeerneqassaaq.

 

Usuup puua naartunaveersaataavoq pisariitsoq angutinit inerissimasunit tamanit atorneqarsin­naasoq. Illersuutaavoq gummimik saatsuaraararsuarmik amilimaartumik sanaaq. Usuup puui assigiinngitsunik iluseqarlutillu qalipaateqarput. Usuup puua eqqortumik ikkutassaavoq, taamaammat pitsaasuuvoq atoqateqalersinnani usuup puuata usummut tissartumut ikkunnissaa sungiusassallugu. Usuup puua nappaatinut kinguaassiuutitigut tuniluuttartunut kisiartaalluni illersuutaanerpaavoq.

 

Usuup puua imatut sunniuttarpoq

Usuup puuata anisuup uumasuarai arnap utsuinut isersinnaajunnaarlugit mattuttarpai, taamaa­lillunilu nappaatinut kinguaassiuutitigut tuniluuttartunut assigiinngitsunut aamma illersuutaalluni.

 

Usuup puuata pitsaaqutai

  • Nakorsiaqqaarnissaq pisariaqanngilaq.
  • Usuup puua tassaavoq atoqatigiittut nappaatinut atoqatigiinnikkut tuniluuttartunut (AIDS, clamydia, gonorrè, herpes, syphilis aamma unnguusanut) illersuutigisinnaasaat pitsaanerpaaq.
  • Napparsimavimmi/peqqissaavimmi nunaqarfimmilu nakorsiartarfimmi akeqanngitsumik usuup puua pissarsiarineqarsinnaavoq. Aammalu niuertarfinni ajornaatsumik arnanit angutinillu pisiarineqarsinnaalluni.
  • Usuup puuisa atornerat kingunipiloqartitsineq ajorpoq.

Usuup puuata akornutai

Usuup puua eqqortumik atunngikkaanni atoqatigiinnerup nalaani alissinnaavoq katattoor­sinnaalluniluunniit.

 

Usuup puua eqqortumik atunngikkukku anisooq puumiit aniasoorsinnaavoq.