tekststørrelseindkøbskurv
AllaffigitigutIkinngutinnut ingerlateqqiguk
 

Kigutivut

Peqqinnissaqarfiup distriktiini ataasiakkaani tamani kigutilerineq distriktimi kigutilerisut pisortaannit aqunneqartarpoq, taannalu distriktini mikinerusuni kigutit nakorsaattut kisimiittarpoq. Distriktini anginerusuni distriktimi kigutit nakorsaat arlaliusinnaasarput. Taamaattorli Kangaatsiami, Qaanaami Illoqqoortoormiunilu ukiup ilaannaani kigutit nakorsaat sulisarput. Nunaqarfiit amerlanersaat atortut angallattakkat periarfissaqarfianni ikkussuunneqarsinnaasut atorlugit sullivigineqartarput, assersuutigalugu atuarfimmi napparsimaveeqamiluunniit. Nunaqarfinni anginerusuni kigutileriffiit nunaqarfiup nakorsiartarfiani massakkut pilersinneqarsimapput.

 

Kigutitigut peqqinneq assigiinngisitaartorujussuuvoq. Kigutilerisut suliassatut sallerpaatitaat tassaasimavoq sulilu tassaalluni meeraaqqanut, meeqqanut atuartunut annertungaatsiartumillu inuusuttunut pinaveersaartitsinikkut katsorsaanikkullu pisariaqartitsineq naapertorlugu kigutilerinerup ataavartinneqarnissaa piorsarneqarnissaalu.

 

Atugassiissutitigut pissutsit pissutigalugit inersimasut sukumiisumik kigutilerinissaannut periarfissaqarsimanngilaq. Innuttaasut inersimasut kigutileriffimmut namminneq saaffiginnittariaqarput, tassanilu nalinginnaasumik kigutilerineq ingerlanneqartarluni, pinaveersaartitsinermi katsorsaanermillu killilimmik annertussuseqartumik.

Anguniakkat

  • Kigutilerinerup innuttaasunilu nalinginnaasumik kigutiginnerup pitsaassusaannik qaffassaaneq
  • Kigutiginneq nerisallu eqqarsaatigalugit iliuuseqarsinnaanermik siuarsaaneq

Tusagassiorfinnut nalunaarutit

Quppersagaaraq IMMUTTUUTIT pillugit saqqummerseqqinneqarpoq (Word)

Quppersagaaraq IMMUTTUUTIT pillugit saqqummerseqqinneqarpoq (PDF)

Saqqummersitat

Quppersagaaraq immuttuutit saqqaa

Quppersagaaraq immuttuutit

Ulloq kigutigissarfik

Quppersagaaraq "Kigutigissuunissamik suliaqartuniit asannittumik inuulluaqqussut"