tekststørrelseindkøbskurv
AllaffigitigutIkinngutinnut ingerlateqqiguk
 

Nunarsuaq tamakkerlugu imminut toquttarnermik pinaveersaartitsinermik ulloqartitsineq

Nunarsuaq tamakkerlugu imminut toquttarnermik pinaveersaartitsilluni ulloqartitsisarneq, ukiut tamaasa malunnartinniarneqartarpoq, nunarsuaq tamakkerlugu ulloq 10. septemberimi malunnaartinneqartarluni.

 

Ulloq ingerlanneqartarpoq, Nunarsuaq tamakkerlugu imminut toquttarneq pinaveersaatinniarlugu suliniaqatigiiffissuaq(IASP)aallarniisoralugu Nunarsuaq tamakkerlugu peqqinnissamik suliniaqatigiiffissuaqWHOsuleqatigalugu. Nunarsuaq tamakkerlugu suliniutinik aaqqissuussanik assigiinngitsunik malunnartitsiniaasoqartarpoq, imminut toquttarneq ajornartorsiut annertuujunera pillugu, tamannalu pisariaqarluinnarpoq, pinaveersaartinneqarnissaa iliuuseqarfigissallugu.

 

Ukioq manna qulequtaritinneqarpoq:Strengthening Protective Factors and Instilling Hopekalaallisut:Illersuutaasinnaasunik nukittorsaaneq neriulersitsinerlu!

 

Kingumut PAARISA illoqarfiit nunaqarfiillu ulloritinneqartumik aaqqissuussisussanut aningaasanik tapiissuteqarnikkut tapersersuiniarpoq.

 

Maannakkumullu ukua illoqarfiit nunaqarfiillu peqataaniarlutik nalunaarsimapput, taakkunanilu assigiinngitsunik imminut toquttarnermik pinaveersaartitsinermik tunngasunik aaqqissuussanik ingerlataqarniarlutik: Qaanaaq, Siorapaluk, Savissivik, Qeqertat, Upernavik Kujalleq, Uummannaq, Ilulissat, Qeqertaq, Saqqaq, Ilimanaq, Oqaatsut, Qeqertarsuaq, Aasiaat, Kangaatsiaq, Agto, Niaqornaarsuk, Ikerasaarsuk, Iginniarfik, Sisimiut, Nuuk, Qaqortoq, Narsaq, Nanortalik og Tasiilaq.

 

Illoqarfinni amerlanerusuni illoqarfigisap iluani ikumatitaqarluni ingerlaaqatigiinnernik, ilaatigut iliveqarfinnut ingerlaaqatigiinnernut, kingornatigullu timersortarfinni imaluunniit katersortarfinni ataatsimut nuannersumik aaqqissuussanut katersuutitinneqartassallutik.

Piffinni amerlasuuni pinaveersaartitsinermut siunnersortit, suleqatigiisitat suleqatigalugit oqallittitsinermik ingerlataqassapput, innuttaaqataasut isummaminnik, qanoq isilluni imminut toquttarneq pinaveersaartinneqarnissaanut kiisalu inuunerup nuannersup siuarsarnissaanut oqariartuuteqartinneqassallutik.

 

PAARISA-miit elektronikkikkut allagaq "Inuuneq inuuffigiuk" nassiussuunneqassaaq, tamatuma peqatigisaanik imminut toquttarnerup pinaveersaartinneqarnissaa pillugu fiilmiliaaraq nutaaq: "Inuuninnguaq" Laila Hansenimit suliarineqarsimasoq KNR-imit aallakaatinneqassalluni Filmi PAARISA suleqatigalugu piviusunngortinneqarpoq. Aammattaaq takusassiaaqqat siornarnisat KNR TV-kut aamma Nuuk Tv-kut takusassiareqqinneqassapput..

 

Oqarasuaatinik siunnersuisarfiit tamarmik ammassapput nal. 19.00 - 21.00.

 

Annertunerusumik paasisaqarusukkuit PAARISAmi siunnersorti Britta Nielsen Johansen på telefon: +299 34 42 65-kkut imaluunniit e-mail:bnj @peqqik.gl-mut attavigisinnaavarsi.